Eri Cocoon Sawngbawl dan

Eri cocoon la zai te hi a mumal loh mai bakah a in zawm lo a. Hemi avang hian la kaihna atan chauh hman ani. Eri silk te hi Muga leh Tasar Silk aiin a sin zawk a ni. Eri cocoon a atam zawk hi chu CSRTI spinning wheel leh Takli hmang a kaih a ni.

Drying :

• Eri Cocoon tih ro nan ni sa a pho ro hi an hmang tlangpui a. Amaherawh chu Electric Oven (Hot air drying) hmang a 3-4 hours chhung 95-55oC a tih ro hi duhthusam ani.
• Eri buhchium hi mihringin ei atan kan hman thin avangin stifling hi a ngai kher lo ani.

Cocoon tha thlan dan:

Eri Cocoon fai tha tak, ro tha leh pian to tha tak te chu la kaih chhuah atan thlan tur a ni.

Degumming

• Eri cocoon chu puan awng siar siarah tawn khawm a, tui litre 1-ah 10-12 gm Soap
  leh 2-4gm Soda chawhpawlha chiah tur a ni a.
• Darkar khat hnuah suk fai a, tui thara min 15-30 chhung chuan so leh tur a ni.
• Uluk taka suk fai hnuah pho roa la kaih chhuah tura hman tawh mai tur a ni.

Spinning

Hmanlai chuan la kaih chhuah nan ‘Takli’ hman a ni thin a , nimahsela tlawmin awlsam zawk mahse hun a duh rei avangin CSRTI chuan CSRTI spinning wheel an siam chhuak ta a. He spinning wheel hmang hian nikhatah mi pakhatin 120-150 gm an kai chhuak thei a ni.

Weaving

A tlangpuiin Eri Cocoon tah nan hian ‘ throw Shuttle Loom’ hman a ni a. Tunlai hi chuan Eri puan tha zawk leh puan dangte nena chawhpawlhna atan ‘fly shuttle loom’ hman a ni tawh a. Throw shuttle Loom hian nikhatah 0.5 m cloth a tah theih laiin Fly shuttle Loom in 5m thleng a tah zo thei a ni.

1. Package of practices of Muga, Eri and Mulberry Sericulture for North Eastern region of India, 2005, Central Muga Eri Research & Training Institute, Lahdoigarh, Jorhat, Assam.

2. Mizoram Sericulture, 2006, Published by Department of Sericulture, Aizawl, Mizoram.