Ki jingpang ba kynrei ha ka khniang ki long kumne harum:-

Ka jingpang pebrine ka dei kaba ma tam. La pynlong da ki niang Nesema, ki ktah ia u khniang baroh shilynter ka jingim jong ki, ki pylleng kim dait shuh ha ki kharika, kim iaryntih, ki long rong blue, kim pait khun bha.

Ki khniang pat ki thoh iong, ki at ka met, ki tlot, ki snier ki kylla stem, ki don dak lieh ha ki jalyngkhiang.

Ki Nianglong ki kylla rongktieh, ki kylla liehka snam bad ki khia.

Ki thapbalieh kim lah shong kurim khamtam eh ki thapbalieh shynrang, ki dumrong, ki kyllain ki sner, ka kpoh ka heh. Ki kynthei pat ki kylla eh noh tang shu dep kha pylleng bad ka snam jong ki ka phyrnai.

Jingiada: Ai da ka dawai ba la khleh um bad 2% ka Formalin ha ki iing ri khniang bad ha ki pylleng. Ia ki sop ai da ka dawai Diamethene M45 ne ber da u powder Seracin.

Ki Skain: Ki kha pylleng ha ka met ki nianglong bad ki ksain jong ki, ki bam lut ia ka met.

Jingiada: Shna da ki jingkhang bad jingkhang it bym lait skain. Kynmaw ban khang bha ia ka jingkhang ha ka por mih bad rung sha ki iing ri khniang. Tap bha da ki musari ia ki.

Ka jingpang Muscardine: Ka dei ka jingphuhtit ha ka met ki khniang. Don bun jait ki jait tit kiba lah ban ktah ia ki.

Jingiada: Ai da ka um ba la khleh 2% ka Formalin, u calcium carbonate, u B.F.C bad ka shun. Ki iing ri khiang kim dei ban sngem. Ai ruh da ka dawai Diamethene M45 ne ka Capstan ynda dep pynkhuid ne shwa ban ri ia ki.

Ka jingpang Flacherie: Ka dei ka jingbymlah tylliat jingbam jong ki snier. Ki pylleng kim dait shuh ha ki Karikha. Ki khniang pat kim bang bam, ki ju kyrngah bunsien la ka khlieh, ki kylla jem noh bad pyut suki-suki, ki ringsti bad ki iap noh.

Jingiada: Lah tang ban kiar na ka hynrei ym lah ban pynduh syndon. Ber da u skop kba bad ka shun ha ki iing ri khniang.

Ka jingpang Grasserrie: Ka long kaba iabit, ka ktah nyngkong ia ki nucleus nangta sa ia ka Cytoplasm. Ka bam lut ia u khniang bad suki suki u iap.

Jingiada: Buh ha ki jaka ba bha, pynkylluid ia ka jaka, pynkhuid ia ki jaka ri da kaba ber ia u skop kba bad ka shun.