मुगा रेचम एमफौ पिसिनाय

मुगा एम्फौआ बोसोरफामानि जानाय एम्फौ आरो बिखौ बोसोरआव 5-6 बां फिसिनो हायो। बिनि गेजेराव जेथुवा (मे-जुन) आरो खोथिया (अ’कत’बर-नभेमबर) फिसिथाया जादों लुग्रा मुगा, जारुवा (डिचेमबर-जानुवारी) आरो एहेरुवा (जुन-जुलाइ) फिसिथाया जादों गुदि जोलै, चटुवा (फेब्रुवारि-मार्च) आरो भदिया (आगष्ट-चेप्टेमबर) फिसिथाय जादो-। गुदि जोलै आरो जोलै मुगा फिसिनाय समाव बोथोरा सरा-सनस्रायै मोजां जायैनि थाखाय, दावसिन-दावला आरो बायदि बेराम-आजारनि नाख्रेबनायाव दिहुनथाया गोगगा नङा।

फिसिनायनि नेमखान्थि:

चोम बारिनि 15-20 जौखोन्दो ब्रै दाननि सिगां गोरलै एम्फौ फिसिनायनि थाखाय आरो बा दाननि सिगां सोलिफुनाय (Latest)एम्फौ फिसिनायनि थाखाय द’फुत जौथायाव बिफांनि खर’खौ दानसनांगौ।

• खोलोम खालामनायनि उनाव फांफ्रोमबो बिफांआव 30 केजि गोबोरखि गोरान आरो 44:62:17 ग्राम हिसाबौ रासायनिक हासार होनांगौ।
• एम्फौ हगारनायनि 8-10 साननि सिगां चोम बारिआव बर्ग मिटारफाआव 200 ग्राम हिसाबै 9:1 बिबांनि— चुनै आरो ब्लिसिं पाउदारनि लगायथायखौ 3-4 साननि गेजेर-गेजेर खननैसो सारनानै होनांगौ।
• एम्फौ हगारनायनि 4 साननि सिगां 0. 01% चडियाम हाइप’क्ल’राइड लगायथाय 24 धन्टानि फारागथायाव एम्फौ हगारनो गोनां बिफां फोरनि बिलाइआव सारनांगौ। उनाव बे लगायथायखौ थाखो (Stage)मोनफ्रोमनि एम्फौनाव खननै-खननै सारब्ला बेकटेरिया आरो भाइरेल जाथिनि बेरामनिफ्राय गोबां रोखोमै रैखा खालामनो हायो।
• माइक्र’स्क’प यन्ट्रजों आनजाद नायनाय मुगा जोलैखौसो फिसिनायनि थाखाय लानांगौ आरो जोलैफोरखौ 260Cदुंथाय आरो 85%गोरानथाय थाथिआव बुथुमनानै बिदै बेरफुजासिम नेनांगौ।
• गोर्लै एम्फौनि रैखाथिनि थाखाय जे बाहाय नांगौ।
• बिफांआव जे सोंनायाव जे आरो बिफांनि बिलाइनि गेजेराव हागौमानि जानथाय दोननांगौ जाहाथे गोर्लैयैनो बारआ थांलाय फैलाय खालामनो हायो।
• गोदानै जागिनाय गोर्लै एम्फौफोरखौ गुदुं बोथोरआव साननि उलथाथिंजाय फुंनि 5-7 बाजिनि गेजेराव 90 सानसो बैसोरनि बिलाइआव होनांगौ आरो गोजां बोथोरआव साननिथिं मोखां खालामनानै 120 सानसोनि बिलायाव फुंनि 7-8 बाजिनि गेजेराव दोननांगौ।
• एम्फौ हगारनाय समाव बिफांनि गोहोनि सायाव नोजोर होनांगौ जाहाते फांफा बिफांआवनो एम्फौफ्रा 3 (ख’नथाम) गुरस्लायनो हायो आरो बिनि सिगांआव बिफां सोलाय नाङै जायो।
• सानथामनि गेजेराव जागिनाय एम्फौफोरखौसो फिसिनो लानांगौ, बबेखानि बिब्दि खालामब्ला बेरामआव गोग्लैनायनि खाबु थायो।
• फांफा बिफांआव 2-3 बां गनसा (ख’रिका) एबा ज’यै एम्फौ बुथुमग्रा आइजेंखौ हायनांगौ, थामहिनबा बियो बिलायनि बिबांनि सायाव सोनारो। एम्फौखौ जेब्लाबो मेगनजों नुनाय जानथायाव हगार नांगौ।
• गाज्रि बोथोरनि समाव 2-3 साननि थाखाय न’सिङावनो दैनि दिंग्रिआव बिफांनि दालायखौ बार हाबनो हाया जासे सोनानै गोर्लै एम्फौफोरखौ दोननांगौ।
  
• एम्फौ हगारनाय बिफांआव हानिफ्राय 2 फुतसो गोजौआव थालिर बिलायजो एबा जिगाबनि दुरुं सानानै बिफांआव खास’नांगौ, जाहाथे एम्फोफ्रा गाहायाव ओंखारबोनो हाया।
• एम्फौफोरखौ जेब्लाबो आखाय होबाय थानांआ।
• एम्फौफोरनि बिफां सोलायनायाव जेब्लाबो सोदांनाय सानद्रिसो बाहाय नांदगौ।
• बिफां सोलायनाय समाव जेब्लाबो समानै देरनाय एम्फौफोरखौसो लागोर नांगौ।
• सानद्रिआव एबा गोदान बिफांआव नांगौनि बारा एम्फौ लानो एबा हगार नाङा।
• एम्फौ मोननायनि उनाव एम्फौफोरखौ उवाजों बानायनाय फिथोबनि बाखसुआव फिथोब थोबहो नांगौ।
• फिथोब थोबहोनाय बाखसुफोरखौ एसेल’सोरां मोननाय, मोजांयै बार हाबनाय दावराव-दावसि गैयै जायगाआव दोननो हायोब्ला मोजां।
• फिथोबआ आबुं जाब्लासो जालि एबा बाखसुनिफ्राय मुगानि बाहाखौ दिहुननांगौ। गोलोम बोथोराव एम्फौ मोननायनि 7-8 साननि उनाव आरो गोजां बोथोराव 12-15 उनाव बे हाबाखौ मावनांगौ।
• बाहाफोरखौ (एम्फौ थोबनाय ज’थाय) सिफायनायनि उनाव बाहाफोरनि मान (Quality) हिसाबै बासि नांगौ, सरासनस्रायै बाहाफोरखौ मोजां, गेसें, थामफै सुनाय आरो गिज्रा-आवलिनाय बाइदि मोनब्रै बाहागोआव राननाय जायो।
• मुगानि मोजां बाहागोफोरनि माखासे बिबांखौ जोलै हिसाबै बाहायनाय जायो आरो माखासेखौ खुन्दुं दिहुननो बाहायनाय जायो।