Muga pangang chaw chin dan

• SOM (Persea bombycina) leh soalu (Litsaea polyantha Juss) te hi Muga pangang chaw tha bik (Primary food plant) te an ni.
• Heng thingte hi a chi kui tiah theih a ni.
• A kung a that chuan a rah a tha a, a rah a that chuan a kung pawh a tha dawn a ni.

A chi Kui tiahna hmun buatsaih dan

• A chinna hmun tur lei chu a hul tha tur a ni a, tui a tling thei tur a ni lo.
• Lei chu 30 cm a thukin ngun taka laih phut tur a ni.
• Nursery bed chu 15 cm a chhun pawn tur a ni a, a dung 15m a sei, a vang 1.5 ni thei se.
• Nursery bed hi 30cm inkar dana siam tur a ni.
• FYM 50kg leh Malathion dust 200g chu kan lei chawh phut nen khan tha taka
  chawhpawlh tur a ni.

A chi lak leh vawn that dan:

• A chi puitling tawh chu May/June ah lak tur a ni a.
• A chi kan lakte chu tuiah sila, a chi tha leh tha lo, a tak leh tak lo hriat nan tuiah chiah tur a ni.
• Tuia pil thei apiang chu a chi tha tihna a ni a, lak hran tur a ni.
• A chi tha ho chu daihlimah chap darhin dah ro tur a ni a, Carbendazim 50% WP D
  2g/kg a nuai tur ani.

A chi sawngbawl leh a kui tiah dan:

• A chi hi rei tak dah loh tur a ni a, a hma thei ang bera chin/kui tiah tur a ni.
• A chi tha chu a tlangpuiin 0.3g a rit, 7mm a hlai vel a ni a.
• Nursery bed pakhatah a chi kg2 vel chu 2cm a thukah kui tiah ni se.
• A chi kui tiah hma hian darkar 24 chhung tuiah chiah hmasak tur a ni.
• A chi kan kui tiahte chu buhpawla khuh ni sela.
• Hunbi neiin nursery bed chu tuia theh huh thin tur a ni.

A tiak phun sawn dan

• A chi kan kui tiah atanga thla hnih hnuah polytubes-ah phun sawn ni se.
• Kan polytube hman tur chu 20cm a sei, 30 cm a hlai ni thei se.
• Polytube-ah chuan 1:1:1 soil:sand:FYM kan dah ang a, tichuan a chi kan kui tiahte chu kan phun tawh mai dawn a ni.
• Karkhatah vawi khat tal tui pek thin tur a ni.

Huan a phun sawn dan

• Muga maimaw khawina huan chu a hul tha tur a ni a.
• May atanga June inkarah phun sawn ni sela.
• Lei chu 30cm a thukin chawhphut tur a ni a.
• Bul tiak phunna tura tan chuan khur fit khata zau leh fit khata thuk, metre hnih vel dana khatin buatsaih ni sela.
• Khur khatah chuan bawng ek lei tha 5kg vel dah tur a ni a.
• Kan khur buatsaihah chuan thing tiak thla 9 atanga 10 vel chu phun sawn leh tur a
  ni a.
• Thing phun sawn hun hi ruah tui tlak hun lai ni thei se.

A enkawl chhoh dan:

• Bul thing chu a khat tawkin rih vur fo a tha a.
• Kum tin bawngek lei tha chu kung khatah 5 kg pek tur a ni a, hei hi a kum lina
  thleng pek tur a ni a, a kum lina atang chuan kg 10 in pek tawh tur a ni.
• Bawngek lei tha hi October – November velah pek tur a ni.
• Thing chu kum khat a nih atanga kum lina thleng N:P:K @ 40:70:15g/plant a pek tur a ni a, a kum lina atang chuan 80:140:30g/plant a pek thung tur a ni a, April-May leh September-October ahte pek ni thei se.
• Heng lei thate hi thingkung bulah, a kung atanga fit khat emaw a aia hlaah emaw
  khur fit khat vela thuk, a kung hual chhuakin laiha chutah chuan dah tur a ni.
• Bul thing kan phun sawn hnuah hian a khat tawkin a zik note chu sih chum thin
  tur a ni. Heng tih hian thing chu a zar a ti tam thei a ni.
• A kum 7-naah thing chu feet 6 a sangin chhawk tawi tur a ni.
• Pangang kan khawi zawh apiangin thing chu feet 10-12 velah tan chhum tur a ni.

Bul thing venhim dan:

• Thing nget chikhat kan tih mai (Zeuzera Indica) hian Bul leh nauthakpui kungte a ei chhe thei hle a.
• Heng thingngette hi thingnget kaw laiah lapuaa 1.5% Nuvan solution-a chiahin
  hnawh tur a ni a, chumi hnuah hluma char phui tur a ni.
• ‘Amphutukani’ kan tih mai (Cricula trifenestra)te hian Bul thing hnahte a ti til thin a ni.
• Bul leh Nauthakpui thingte ei chhetu natna hrikte hi 6.05% Phisphomidon a kahin a ven theih a, chumai bakah pangangte lak khawm a, an in thlahpung tur ven nan
  halral bawk tur a ni.
• Bul natna kan tih mai Leaf Spot (Phyllosticta perseae) hi fungal natna niin 1% Indofil M-45 in ni 15 dan zelah a tam laia kahin a ven theih a ni.
• Leaf blight (Colletotrichum gloeosperiodes) hi fungal natna dang niin a tirah a ei
  chhiat lai te chu thliah a hal ral tur a ni a, Tin, indofil M-45 pawh he natna
  venna atana hman theih a ni.

Source:

• Package of Practices of Muga, Eri and Mulberry Seericulture for North Eastern Region of India, 2005, Central Muga Eri Research & Training Institute, Lahdoigarh, Jorhat, Assam.
• Directory of Sericulture Technology 2008, Karnataka State Sericulture Research and development Institute, Bangalore-560 062.
• Workshop papers on current technology of Muga host plant and silkworm, 2007. Central Muga Eri Research & Training Institute, Lahdoigarh, Jorhat, Assam.
• Sri P.K.Handique, Central Muga Eri Research & Training Institute, Lahdoigarh, Jorhat, Assam.